薄利多銷

今年國慶黃金周訪澳旅客又再上升,單以首六天計算,已突破九十萬人次,按年上升了一成三,總算可喜可賀了。一如過往在新馬路、大三巴一帶人流迫到爆,要實施人流管制先搞得惦。雖說旅客人數喺多咗,奈何商戶普遍反映都喺「旺丁唔旺財」,生意額一般都較往年低,旅客消費力弱等。

咁又難怪喎,世界經濟大局不穩,中美貿易戰又未完,再加上鄰埠黑衣爆亂等等因素,消費信心減是在所難免的。相信唔少人在使錢方面都會審慎咗,留番個錢喺袋以防不時之需嗎。

好老實講,濠江「旺丁」已稱得上萬幸呀,起碼人流多咗,咁或多或少都會消費些少,只喺無以前咁「大款」啫,估計咁嘅類似形勢,可能會持續頗長時間。商戶們應要諗吓改變營運策略來適應,唔可以好似過往咁一成不變,否則隨時招來沒頂之災。

消費力弱但不代表無消費,只係商品有否足夠的吸引力來招客購買。或許商戶可將貨品拆細重新包裝精準推銷,讓消費者感覺到吸引或者是可以負擔,用薄利多銷的手法經營,況且本地有旅客大軍支撐著,說不定可闖出另一片天地呀。

山草