有筍嘢益你！
司警偵破一宗涉及逾億元的代購騙案，拘捕三名內地及本澳居民。犯案主某曾在本澳經營超市，惟有正當生意不幹，反而精心佈局長期行騙，以獲取更可觀的非法利益。時下騙案猖獗，今回無疑是有樣學樣，呃得就呃，甚至是親朋好友都唔放過。案中受害者大部份與嫌犯熟絡並保持良好關係，不過，被騙似乎也有原因，當中更多的是心諗有錢齊齊搵，結果貪字得過貧字。其中一名受害人報稱損失九千多萬元，大筆投資真喺要小心！
嫌犯自一九年起開始實施詐騙，長期以不同手法，包括“代購雙簧局”、訛稱高回報率的“親友合資局”，以及低價利誘他人追加訂單後，拖延或拒絕交貨及退款，詐騙超市、零售及代購店及其他受害人。雖說手法多樣，但總離不開引誘受害人“投資”賺取豐厚利潤。過程如老舊街頭騙案找人做媒，有筍嘢齊齊分，獨食難肥，氹人落搭夾錢搵真銀，初期有貨又有錢搵，受害人當正喺真嘢，加碼投資，反而無晒下文，才知被人搵笨。
受害人與嫌犯透過社交平台溝通和落訂單，這樣做生意似乎太過簡單。月餅、人蔘、冬草蟲，可平價入貨轉手圖利，還想同你分一杯羹，試問邊有咁大隻蛤乸隨街跳？現時做生意成本高，個個都想節省開支，但入貨或代訂貨，便宜莫貪，大額投資更加要慎而重之，切勿輕率行事，否則做咗羊牯都唔知。近期，代購騙案頻生，尤其自稱學校職員的來電要格外小心，金錢轉帳手機截圖咪當真，核查清楚最穩陣。
山草